أسهل كونتور و هاى لايت ممكن تعمليهم لنفسك فالبيت

أسهل كونتور و هاى لايت ممكن تعمليهم لنفسك فالبيت..


ازيكم .
مش عاوزة اقوللكم الكونتور و الهاى لايت دول بيفرقوا ازاى فى الشكل النهائى للميكب..
و قد ايه بيخلو وشك تحفة و منور..و كمان بيدوا شكل احترافى للميكب..
و كمان بيظهروا الوش جدا فالتصوير..
و للى مش عارف اية هو الكونتور و ايه هو الهايلايت..
اقولة الكونتور و الهاىلايت دول زى نظرية الظل و الضوء...
الى بتكون فى الرسم بتظللى اماكن عشان برز اماكن تانية..
دة بالظبط الى بنعمله..يعنى انا مثلا وشى مدور و خدودى مليانة شوية عاوزة ابين وشى منحوت اعمل اية..
بالكونتور و الهاى لايت اقدر اظبط اى حاجة انا عاوزة اظبطها اكبر شفايفى اصغر مناخيرى اقصرها...
هاحط صور عشان التوضيح...
أسهل كونتور و هاى لايت ممكن تعمليهم لنفسك فالبيت..

دى صورة بتوضح الهاىلايت او الضوء...يعنى الاماكن الى احنا المفروض نبرزها فوشنا :

تحت العين
الجبهة
عضمة الانف (ماعدا الانف المعقوفة )
الدقن

طيب و اية الاماكن الى عاوزين نظللها او ندلها عمق عشان تبرز وشنا بشكل افضل



أسهل كونتور و هاى لايت ممكن تعمليهم لنفسك فالبيت..

الاماكن الى محتاجين نظللها :

اسفل الخد (وخلى بالكم من اسفل دى مش عاوزين نغمق الخدود ذات نفسها لان دة مش صح الخدود بيتحط ليها بلاشر مش بيتعملها تظليل)

منبت الشعر (عشان يدينا احساس بتناغم التظليل مش تبقى حتة و حتة)

جوانب الانف عشان تصغر حجم الانف و طبعا دة مش بينطبق على كل اشكال الانف لكن المعظم بتنجح معاه الطريقة دى..

طيب كدة حلو اوى
ازاى بقى اعمل كونتور و هاى لايت يعنى استخدم ايه ليهم..

اولا : الهاى لايت ممكن تعمليه بالكونسيلر

ثانيا الكونتور اما هاتعمليه بباودر لونها غامق اوى..بنى غامق..او ايشادو بنى و حاولى ان البنى بتاعه مايكونش محمر..

او تعمليه ببرونزر ..و دى اما بيكون مات او لامع..و انا بفضل المات طبعا عشان يدى لوك طبيعى

طيب ايه الادوات الى تستخدم عشان اعمل الهاى لايت :

بكل بساطة بفرشاه الكونسيلر هاترسمى خطوط رفيعة زى ما هو موضح فى الصور الى فاتت..

و فى صورة اكثر توضيحا اهى:

أسهل كونتور و هاى لايت ممكن تعمليهم لنفسك فالبيت..

شايفين هى عاملة خطوط ازاى تحت العين و على عضمة الانف و على الدقن و كمان جمب الشفايف عشان تبرزهم

هانعمل كل دة بالكونسيلر بشكل خفيف و لو عندك سفنجة
تبليها مية و تعصريها كويس اوى..
و تحاولى تطبطبى على الخطوط دى لحد اما تندمج و تختفى ..
صورة بتوضح:
أسهل كونتور و هاى لايت ممكن تعمليهم لنفسك فالبيت..


و الكونتور هانعمله بفرشة تكون سينتاتك..يعنى مش فرشة شعر طبيعى و دى متوفرة فاى حته
دة لو هاتستخدمى للكونتور كريم اساس غامق مثلا..
اما لو هاتستخدمى ايشادو بنى غامق زى ماقلنا او باودر هاتجيبى فرشاه شبه بتاعة الباودر..بس تجبيها اصغر مقاس و تحاولى انها تكون مبططة
عشان تبقى قادرة تتحكمى فى الكمية و فى المكان الى عاوزة تعمليله تظليل لانها لو كبيرة الباودر ممكن تروح منك فى اماكن انتى مش عاوزاها
و دى صورة بتوضح شكل و حجم الفرشاة:
أسهل كونتور و هاى لايت ممكن تعمليهم لنفسك فالبيت..

صورة تانية:
أسهل كونتور و هاى لايت ممكن تعمليهم لنفسك فالبيت..

شايفين الفرشاة مبططة ازاى!
و شايفين لون الكنتور..

و المفروض ان اللوك النهائى للهاى لايت و الكونتور يبقى كدة:

أسهل كونتور و هاى لايت ممكن تعمليهم لنفسك فالبيت..

ولا يبقى باين فين حدود الهاى لايت ولا حدود الكونتور الاتنين مدموجين جمب بعض
و كل واحد بيقوم بدورة =)
الهاى لايت بيبرز جمالك..و الكونتور بيظلل جمالك برضة ..ههههههههه
اتمنى ان الموضوع يعجبكوا يااااارب..
و تستفيدوا.