هو ليه قص الشعر يوم 13_14_15 او علاقه قص الشعر بالقمر تعالي اعرفي الحقيقه الكامله

ي صحبه وحشتوني يارب تكونو بأفضل حال
هو ليه قص الشعر يوم 13_14_15 او علاقه قص الشعر بالقمر تعالي اعرفي الحقيقه الكامله
من عام 2000 منتشر موضوع بكل المنتديات
وللاسف احنا كعرب اهل نشر لاي معلومه بأبسط وسيله وهي كوبي وبيست
بدون التأكد او دراسه او فهم المعلومه ايا كانت
يعني 13 سنه بنعمل حاجه غلط وفرحانين بيها جدا لأ وكمان بنحس ونشجع بعض عليها

مش كده وبس احنا مقتنعين تمام بكل ثقه انها معلومه صحيحه

مش هطول عليكم يلا نعرف الحقيقه وما فيها

قبل ما اشرح الموضوع ده حصري للمنتدي
انا بنفرد بيه لاخواتي قبل ما اقوله حتي في برنامج تلفزيوني او انشره في مقال
مش طالبه غير الدعوه الطيبه
وربنا يجمعني انا وانتم بالفردوس الاعلي اللهم امين
دلوقتي زي ما وضحت من اكتر من 13 سنه وكل البنات بتنشر موضوع قص الشعر وعلاقته بالقمر
او قص الشعر ايام 13 و14 و15

للاسف مر عليا الموضوع ده في قسم الشعر بكثره
وكل شهر البنات تجمع بعض
واللي تقولها كتر الف خيرك فكرتيني كنت ناسيه
واللي تقول ده بيطول جدا ومفيش حاجه جابت نتيجه
معايا غير الحل ده
* * *
طيب لو حاولتي تبحثي عالنت في الحكايه دي
او تقرأي مبرر او شرح القصه دي ايه هتجدي الاتي
مبرر 1_ اللي سمعته يا بنات انه بيكون افضل وقت لاكتمال هرمونات المراه
مبرر 2_ يا بنات اشهر مصففي الشعر فالعالم بيقولو كده
مبرر3_ انا قابلت واحده في صالون وفوجئت بشعرها
ماشاء الله وقالتلي هالقصه
وكتييييييييييييير من القصص هتشوفيها طيب
انتي بئه رئيك ايه فالموضوع وايه هي القصه الحقيقه
!!!
كلامي هيكون مرفوض خصوصا من محبي عالم الابراج والفلك

هتعرفو ليه المشاركه الجايه
لكن مش مهم انا طرحت الحقيقه
القصه وما فيها
* * *
ان في زي منظمه او دار نشر منذ عام 1901
المنظمه دي ليها موقع عالنت

وليها كتب كتير ومن اهما كتاب سنوي عن القمر
المنظمه دي معروفه تحت اسم

Astrology اي ( علم التنجيم ) احلى ابتسامة

ده تعريف بسيط عنها
ان مواضيعها وكتبها عن
* * * *
علم التنجيم
التارو
العافيه
الروحانيه القائمه علي الارض
السحر
الخوارق
* * *** * *
متتخضيش لسه بدري


هو ليه قص الشعر يوم 13_14_15 او علاقه قص الشعر بالقمر تعالي اعرفي الحقيقه الكامله

والمنظمه او الوكاله دي او دار النشر

ليها كتاب سنوي هام جدا يتنفرد بيه مع بدايه كل عام

الكتاب ده عن القمر واهميته



تعريف بسيط عن الكتاب بتاع القمر لبدايه كل عام

الكتاب بيقول ان القمر هو مصدر طاقه لينا

وان القمر له دخل في كل حاجه في حياتنا

الزواج والطلاق والدوره الشهريه

وقت شرائك اسهم في البورصه

الربح السعاده حصاد الارض
الصحه والجمال التدبير المنزلي
تنفيذ وقت عمليه جراحيه

كيف نسخر قوه القمر لنعيش اكثر سعاده
ببساطه هو ده كتاب علم التنجيم
السنوي الخاص بالمنظمه دي



*****************************

ملحوظه انا مذكرتش اسم الموقع ولا دار النشر ولا الكتاب
علشان لم اشارك بدون قصد في افشاء البدع والتخاريف وعلم التنجيم في يد ايا من ضعاف النفوس

******************
ببساطه بئه يا قمرات

اللي بتقول اكتمال الهرمونات
واللي بتقول المد والجزر

مع احترامي للجميع الكلام امامكم
انتشرت الحكايه لان الكتاب له باب كامل عن الشعر
ونقصه خلال الوقت ده بالذات اللي بننصح بعض بيه
وبنفذه

واحب اقول ان الكتاب مذكرش بس قص الشعر الوقت ده

لما تتوسعي في فهم المنجم ده قال الاتي

قال ان لكل نوع شعر سواء تقيل او خفيف يوم معين فالوقت ده من القمر

وان لكل برج وقت معين في طور من اطوار القمر للقص
او الصبغه او الفرد

ووقت الباديكير والمانيكير حتي الكتاب مش سايبه ابتسامة

اشمعني انتشرت الجزئيه دي بالذات بتاعه اكتمال القمر
او ايام 13 و 14 و15 او اكتمال القمر
لان دي الجزئيه الاساسيه فالكتاب

هقولك كمان لان فعلا المصففين الاجانب بينصحو بكده من ايمانهم الكامل بالمنجم _ _ _ _
وان الوقت ده بالذات بيكون اغلي وقت
في صالونات التجميل لقص الشعر

ومن هنا قالها كم مصفف شعر عربي اقتباسا من الغرب
ومن هنا قالها كم عالم فلكي
ومن بعدها المنتديات

دلوقتي انا وضحت الصوره الكامله
ولكي حريه الاختيار

وصدقيني شعرك كده كده له معدل نمو معين
عمره ما هيطول ازيد او اقل منه بقوه خارقه
كله بالطبيعه الي ربنا خلقنا عليها وغذائك الصحي وصحتك
سمي الله وقصيه دي كفايه اوي انه يطول
خلي جواكي يقين او نيه وانتي بتقصيه علشان محتاج يتقص
لو متزوجه علشان يتقل ويطول وتسعدي زوجك
لو انسه برضه بنيه البهجه لزوجك فالمستقبل
النيه دي عاوزه مواضيع ودروس لوحدها صدقوني
فضلها عظيم وربنا كريييييييييييم

باب الحوار مفتوح بس ياريت لو في معارضين النقاش يكون في وجود سبب طبي وعلمي او حديث او ايه قرأنيه
انهي كلامي
بقاعده فقهيه تقول


" اليقين لا يزول بالشك " فنطرح الشك ونأخذ باليقين

واتمني ايضا نأخذ بالحديث
عن الحسن بن علي بن أبي طالب سبط رسول الله وريحانته رضي الله عنه قال : حفظت من رسول الله صلى الله عليه وسلم :


( دع ما يريبك ، إلى ما لا يريبك )


رواه الترمذي وقال : حديث حسن صحيح .



كده انا خلصت الموضوع في انتظار النقاش
استودعكم الله الذي لا يضيع ودائعه